ԼՂՀ առողջապահության նախարարությունը հանրապետության բուժհաստատություններին հատկացրել է ինսուլինի հերթական խմբաքանակը 04.11.2013թ.

ԼՂՀ առողջապահության նախարարի կողմից հաստատվել է Ստեփանակերտ քաղաքի և հանրապետության շրջանների բժշկական հաստատություններին հատկացվող ինսուլինային սրվակների բաշխացուցակը` նոյեմբեր ամսվա կտրվածքով:
Բուժհաստատություններն իրենց մոտ հաշվառված հիվանդներին անհրաժեշտ քանակի ինսուլինային սրվակները կստանան ԼՂՀ առողջապահության նախարարության բժշկական պահեստից և կտրամադրվեն հիվանդներին:



Օձի խայթոցի դեպքեր 04.11.2013թ.

2013թ. նոյեմբերի 4-ի դրությամբ Լեռնային Ղարաբաղի Հանրապետությունում արձանագրվել է օձի խայթոցի 32 դեպք, որից 11-ը կանայք են (մեկը հղի կին), 3-ը երեխա: Ք.Ստեփանակերտի բուժհաստատություններ են դիմել 5-ը: Շրջանային բուժհաստատություներ` 27-ը
Մարտունու շրջան `6
Մարտակերտի շրջան` 9
Ասկերանի շրջան` 2
Հադրութի շրջան ` 3
Քաշաթաղի շրջան` 12
Նշենք, որ տուժածներից  25-ին ներարկվել է օձի հակաթույն /անտիգյուրզին/, իսկ 7-ի դեպքում չի ներարկվել, քանի որ դրա կարիքը չի եղել: Ներկա պահին ք.Ստեփանակերտի և շրջանային բուժհաստատություններում առկա է օձի հակաթույնի անհրաժեշտ քանակ:



Բժիշկ-սրտաբանների վերապատրաստման երկօրյա սեմինար Արցախում 01.11.2013թ.

Սույն թվականի նոյեմբերի 1-ին նախարարը ընդունել է Հայաստանից ժամանած Հայ Օգնության Ֆոնդի հայաստանյան մասնաճյուղի ղեկավար Համբարձում Սիմոնյանին, ՀՀ առողջապահության նախարարության «Էրեբունի» բժշկական կենտրոնի սրտաբան-էլեկտրաֆիզիոլոգ Լուսինե Մխիթարյանին, նույն կենտրոնի սրտաբան-առիթմոլոգ Լիանա Խաչատրյանին: Կարդալ ավելին



Նախարարը ընդունել է հայ-կանադական բժիշկների միության անդամներին 30.10.2013թ.

Սույն թվականի հոկտեմբերի 30-ին նախարարը ընդունել է հայ-կանադական բժիշկների միության անդամ Ավետիս Պողոսյանին, ԱՄՆ Բոստոն քաղաքից ժամանած, հայ ատամնաբույժների միջազգային ասոցիացիայի նախագահ Պերճ Քիլաջյանին, դոկտոր Առնոլդ Վեյսին, օրթոդոնտներ`Ալեքս Պեջյանին, Արամ Սիրակյանին և Ձեռք-Ձեռքի հասարակական կազմակերպության գործադիր տնօրեն Վահագն Ղազարյանին: Կարդալ ավելին



2013 թվականի հոկտեմբեր ամսում բնկաչության շրջանում սուր աղիքային վարակի գրանցման մասին տեղեկություն 26.10.2013թ.

Սույն թվականի հոկտեմբերի 10-ից մինչև 26-ը ընկած ժամանակահատվածը Ստեփանակերտ քաղաքի նախադպրոցական և դպրոցական հիմնարկներից սուր աղիքային վարակով ԼՂՀ ԱՆ «Ինֆեկցիոն հիվանդանոց» փակ բաժնետիրական ընկերությունում հոսպիտալացվել է 42 հիվանդ, որից 20 երեխայի մոտ լաբորատոր ախտորոշվել է դիզենտերիա հիվանդություն, իսկ մնացած հիվանդների մոտ սուր աղիքային վարակ չճշտված էթիալոգիայով: Հիվանդների 50%-ից ավելին վարակվել են կոնտակտ-կենցաղային ճանապարհով: Ներկա դրությամբ ԼՂՀ ԱՆ «Ինֆեկցիոն հիվանդանոց» ՓԲԸ-ում ստացոնար բուժում է ստանում 9 երեխա:
Դիզենտերիա հիվանդության վարակի աղբյուր կարող են հանդիսանալ հիվանդները, մանրէակիրները, կարող է փոխանցվել նաև շփման միջոցով (կոնտակտ-կենցաղային), ինչպես նաև փոխանցման միջոց է հանդիսանում վարակված ջուրը, սննդամթերքը և կաթնամթերքը:
Բոլոր օջախներում իրականացվել են հակահամաճարակային միջոցառումներ, վերցվել են ճաշի տեսականիներ, ջրի նմուշներ, օգտագործվող սննդամթերքներ, տարբեր մակերեսներից լվացուկներ մանրէաբանական հետազոտության նպատակով: Լաբորատոր տվյալներով սննդամթերքներում և ջրի նմուշներում դիզենտերիայի մանրէներ չեն հայտնաբերվել, սակայն մատակարարների տարաների և մանկապարտեզների իրերի լվացուկներում հայտնաբերվել է աղիքային ցուպիկի մանրէներ: Դրանից ելնելով համաճարակաբանական ցուցումով հետազոտվել են տարբեր ոլորտի օբլիգատ խմբի աշխատողները` հայտնաբերվել են դիզենտերիայի մանրէակիրներ, ովքեր ժամանակավորապես հեռացվել են աշխատանքից բուժում ստանալու նպատակով:



Նախարարը ընդունել է Օյգան Բոլտաուզերին 25.10.2013թ.

Սույն թվականի հոկտեմբերի 25-ին նախարարը ընդունել է Շվեյցարիայից ժամանած նյարդաբան Օյգան Բոլտաուզերին: Հանդիպմանը մասնակցում էին նախարարի տեղակալ Ա. Խաչատրյանը և «Արևիկ» մանկական բուժմիավորում ՓԲԸ-ի մանկական նյարդաբան Լ.Գյուլիշանյանը: Կարդալ ավելին



Ստեփանակերտ քաղաքում սուր աղիքային վարակի նվազում 24.10.2013թ.

ԼՂՀ առողջապահության նախարարության կողմից իրականացվող աշխատանքների արդյունքում`Ստեփանակերտ քաղաքի թիվ 1, 2, 3, «Ավետարանչական»  մանկապարտեզներում և թիվ 1, 3, 7, 10 դպրոցներում նկատվում է սուր աղիքային վարակի նվազում:
Եթե 2013թ հոկտեմբերի 10-18-ը ինֆեկցիոն հիվանդանոց է հոսպիտալացվել 32 հիվանդ, ապա հոկտեմբերի 19-23-ը հոսպիտալացվել են 7 հիվանդ: Դուրս են գրվել լավացումով 24 հիվանդներ, ստացիոնար բուժում ստացողների առողջական վիճակը գնահատվում է բավարար:

 



Սուր աղիքային ինֆեկցիայի առումով իրավիճակը վերահսկելի է 18.10.2013թ.

Կապված Ստեփանակերտ քաղաքի թիվ 1, 2, 3, «Ավետարանչական» մանկապարտեզներում և թիվ 3, 10 դպրոցներում արձանագրված սուր աղիքային վարակի գրանացման հետ, ինֆեկցիոն հիվանդանոց է հոսպիտալացվել 32 հիվանդ: Հիվանդների վիճակը գնահատվում է բավարար:
Իրավիճակը վերահսկվում է ԼՂՀ առողջապահության նախարարության կողմից: Պետական հիգիենիկ և հակահամաճարակային տեսչության, ինչպես նաև համաճարակաբանության և հիգիենայի կենտրոնի մասնագետների կողմից սուր աղիքային ինֆեկցիայի օջախներում կատարվում են համալիր հակահամաճարակային միջոցառումներ, կազմակերպվում են սեմինարներ բուժքույրերի հետ:

 

Նախարարը ընդունել է Հայաստանի հոգեբույժների ասոցիացիայի նախագահ Արմեն Սողոյանին 09.10.2013թ.

Սույն թվականի հոկտեմբերի 9-ին նախարարը ընդունել է Հայաստանի հոգեբույժների ասոցիացիայի նախագահ Արմեն Սողոյանին, Երևանի Մխիթար Հերացու անվան բժշկական համալսարանի հոգեբանության ամբիոնի վարիչ Խաչատուր Գասպարյանին և ԼՂՀ սոցիալական ապահովության նախարարության ԲՍՓ կենտրոնի տնօրեն Հակոբ Հակոբյանին: Կարդալ ավելին