Կարինե Աթայանն ընդունել է ավստրիահայ անոթաբան Արա Ուղուրլյանին 18.05.2018թ.

   Արցախի Հանրապետության առողջապահության նախարար Կարինե Աթայանը մայիսի 18-ին ընդունել է Ավստրիայի Զալցբուրգ քաղաքից ժամանած մեր հայրենակից անոթաբան Արա Ուղուրլյանին: Հայտնի անոթաբանը մայիսի 16-18-ը Արցախում իրականացրել է ազգաբնակչության անվճար անոթային խորհրդատվություններ: Կարդալ ավելին



Հայտարարություն 18.05.2018թ.

   ԱՀ առողջապահության նախարարությունը տեղեկացնում է, որ սույն թվականի մայիսի 28-ին քաղաք Ստեփանակերտում՝ «Հանրապետական բժշկական կենտրոն» ՓԲԸ խորհրդակցությունների դահլիճում, անվճար հիմունքներով կկայանա ստոմատոլոգների առաջին հայ-ամերիկյան միջազգային վեհաժողովը, ստոմատոլոգների իններորդ միջազգային վեհաժողովը` «Ստոմատոլոգիայի և դիմածնոտային վիրաբուժության արդի խնդիրները» թեմայով: Մասնակիցներին կսահմանվի համապատասխան քանակությամբ կրեդիտ:
   Լրացուցիչ տեղեկությունների համար դիմել ԱՀ առողջապահության նախարարություն, կամ զանգահարել 047-94-44-02 հեռախոսահամարով:Մանրամասները տես կից ֆայլում.Congres — 28.05.2018



Կարեն Բազիյանը նշանակվել է ԱՀ առողջապահության նախարարի տեղակալ 16.05.2018թ.

   ԱՀ առողջապահության նախարար Կարինե Աթայանը մայիսի 16-ին՝ նախարարության ստորաբաժանումների պատասխանատուների մասնակցությամբ անցկացրել է գործակարգավարական խորհրդակցություն: Նախարար Կարինե Աթայանը նախարարության աշխատակազմի պատասխանատուներին է ներկայացրել Արցախի Հանրապետության կառավարության մայիսի 14-ի որոշմամբ ԱՀ առողջապահության նախարարի տեղակալի պաշտոնում նշանակված Կարեն Յուրիի Բազիյանին: Կարդալ ավելին



Առաջին եռամսյակում Արցախի բուժհաստատություններում 527 երեխա է ծնվել 16.05.2018թ.

 2018 թվականի առաջին եռամսյակում Արցախի առողջապահության նախարարության բուժհաստատություններում ծնվել է 527 երեխա, որոնցից 268-ը՝ տղա, 259-ը՝ աղջիկ:
   Հարկ է նշել, որ ԱՀ-ում ընդհանուր ծնելիությունը 2018 թվականի առաջին եռամսյակում կազմել է 560 երեխա, որոնցից 280-ը՝ տղա, 280-ը՝ աղջիկ: 560-ից 527 երեխայի ծնունդն արձանագրվել է ԱՀ, իսկ 33-ը՝ ՀՀ բուժհաստատություններում:
   Միայն 445 երեխա ծնվել է Ստեփանակերտի Մոր և մանկան առողջության պահպանման կենտրոնում: Առավելագույն ծնունդներ շրջաններից գրանցվել է Մարտակերտի բուժհաստատությունում՝ 41 երեխա, այնուհետև՝ Մարտունիում՝ 23, Հադրութում՝ 8, Քաշաթաղում՝ 7 և Շահումյանում՝ 3:
   Երեք ամիսների ընթացքում Արցախում արձանագրվել է զույգ երեխաների 4 ծնունդ՝ բոլորը բնական բեղմնավորման արդյունքում:
   Հիշեցնենք, որ 2017 թվականի առաջին եռամսյակում Արցախում ծնվել է 515 երեխա, ինչը նշանակում է, որ ընթացիկ տարվա նույն ժամանակահատվածում ծնունդների թիվն աճել է 12-ով:



«Աուտիզմի ցերեկային խնամքի և բուժման կենտրոն»-ը մեկ տարեկան է 02.05.2018թ.

   ԱՀ առողջապահության նախարարության Քերոլայն Քոքսի անվան վերականգնողական կենտրոնին կից ստեղծված «Աուտիզմի ցերեկային խնամքի և բուժման կենտրոն»-ը մեկ տարեկան է: Կենտրոնը ստեղծվել է ԱՀ կառավարության, «Հովարդ Կարագյոզյան» բժշկական բարեգործական ՀԿ և «Ջինիշյան» հիշատակի հիմնադրամի համատեղ աջակցությամբ: Կարդալ ավելին