Այցելություններ բժշկական հաստատություններ 30.07.2014թ.

  ԼՂՀ առողջապահության նախարար Հարություն Քուշկյանն այցելել է Հանրապետական բժշկական կենտրոն, ծանոթացել անգիոգրաֆիկ բաժանմունքի շինարարական աշխատանքների ընթացքին: Շինարարների հետ նախարարը տեղում քննարկել է նորաստեղծ բաժանմունքի պայմանների համապատասխանության հարցերը միջազգային չափորոշիչներին, հստակեցրել շինաշխատանքների վերջնաժամկետները, տվել համապատասխան հանձնարարականներ: Կարդալ ավելին



Արցախում ներդրվել է Ծննդօգնության պետական հավաստագրերի համակարգը

Հուլիսի 1-ից ԼՂՀ առողջապահության նախարարի որոշմամբ Արցախում ներդրվել է Ծննդօգնության պետական հավաստագրերի համակարգը: Այսօր ԼՂՀ Մոր և մանկան առողջության պահպանման կենտրոնում տնօրեն Վարդգես Օսիպովը առաջին հավաստագրերն է հանձնել մի խումբ կանանց, ովքեր ծննդաբերելու են առաջիկա շաբաթների ընթացքում:

Հղումը՝ http://www.artsakh.tv/am/news/show/6387#sthash.VYdP0Q2H.dpuf



Օպերատիվ տեղեկատվություն 22.07.2014թ.

   Այսօր առավոտյան ըստ նախնական տեղեկությունների Քաշաթաղի հյուսիսային հատվածում «Վիլիս» մակնիշի ավտոմեքենան պայթել է ականապատ տարածքում, ինչի հետևանքով մեկ մարդ մահացել է, 3-ը ստացել մարմնական վնասվածքներ:
   ԼՂՀ կառավարությունը անում է ամեն ինչ, որպեսզի վիրավորները շտապ և օպերատիվորեն տեղափոխվեն «Էրեբունի» ԲԿ:



Համագործակցության նոր ոլորտներ «Էրեբունի» ԲԿ-ի հետ 19.07.2014թ.

  ԼՂՀ առողջապահության նախարարության հրավերով Արցախում էր «Էրեբունի» բժշկական կենտրոնի կոլոպրոկտոլոգ Կարեն Շահնազարյանը:
  Նա Հանրապետական բժշկական կենտրոնի պոլիկլինիկական մասնաշենքում իրականացրել է մի քանի տասնյակ խորհրդատվություն, իսկ հիվանդանոցում վիրահատություններ:
   Բացի այդ կատարվել է նոր տեխնոլոգիաների կիրառման փորձի, գիտելիքների և կարողությունների փոխանցում տեղի մասնագետներին: Համագործակցությունը շարունակական է լինելու:



Համագործակցություն «Էրեբունի» բժշկական կենտրոնի հետ 19.07.2014թ.

  ԼՂՀ առողջապահության նախարարության հրավերով կրկին Արցախ էր ժամանել «Էրեբունի» բժշկական կենտրոնի վիրաբուժության գծով տնօրենի տեղակալ, ուռոլոգիական ծառայության ղեկավար պրոֆեսոր Միքայել Մանուկյանը: Նրա կողմից Հանրապետական բժշկական կենտրոնում կատարվել են բազմաթիվ խորհրդատվություններ, մի շարք վիրահատություններ և մասնագիտական սեմինարներ բուժանձնակազմի համար:
   Պրոֆեսոր Մանուկյանը վստահեցրել է, որ բոլոր այս ծրագրերն լինելու են շարունակական:

 

Նախարարը հանդիպել է Արցախյան պատերազմի ընթացքում տեսողությունը կորցրած հաշմանդամ ազատամարտիկների «Լուսաբաց» հասարակական կազմակերպության ներկայացուցիչներին 17.07.2014թ.

    ԼՂՀ առողջապահության նախարար Հարություն Քուշկյանն այցելել է «Լուսաբաց»  հասարակական կազմակերպության գրասենյակ: Ողջունելով ներկաներին նա պատրաստակամություն է հայտնել աջակցել նրանց` ստանալու որակյալ և մատչելի բուժօգնություն: Կարդալ ավելին



Հայտարարություն

   ԼՂՀ առողջապահության նախարարությունը իրազեկում է հանրապետության բնակչությանը, որ սույն թվականի հուլիսի 18-ին ԼՂՀ առողջապահության նախարարության Հանրապետական բժշական կենտրոնում Երևանի «Էրեբունի»  բժշկական կենտրոնի ուռոլոգ, պրոֆեսոր Միքայել Վլադիմիրի Մանուկյանը կիրականացնի հունիսի 25-ի ԼՂՀ այցի ժամանակ հետազոտված և վիրահատության ցուցված հիվանդների վիրահատություն: Նույն օրը Երևանի «Էրեբունի»  բժշկական կենտրոնի վիրաբույժ-կոլոպրոկտոլոգ, բժշկական գիտությունների թեկնածու Կարեն Լևոնի Շահնազարյանի կողմից կիրականացվի հիվանդների հետազոտություն և խորհրդատվություն:
   Հուլիսի 19-ին պրոֆեսոր Միքայել Մանուկյանը կիրականացնի քաղաքացիների ընդունելություն և խորհրդատվություն ուռոլոգիական հիվանդությունների գծով, իսկ վիրաբույժ-կոլոպրոկտոլոգ Կարեն Շահնազարյանը կիրականացնի հուլիսի 18-ին իր կողմից զննված վիրահատական միջամտության ցուցված հիվանդների վիրահատություն:
    Լրացուցիչ տեղեկությունների համար կարող եք դիմել Հանրապետական բժշկական կենտրոն կամ զանգահարել /047/ 95-16-99 հեռախոսահամարով



Նախարարը հանդիպել է KARL STORZ ընկերության ներկայացուցիչներին 16.07.2014թ.

   ԼՂՀ առողջապահության նախարար Հարություն Քուշկյանն ընդունել է գերմանական KARL STORZ ընկերության Հայաստանի և Վրաստանի տարածաշրջանային մենեջեր Մեռաբ Մգալոբլիշվիլիին և Հայաստանի ներկայացուցիչ Կարինե Կաջոյանին: Նախարար Քուշկյանը ողջունելով հյուրերին պատրաստակամություն է հայտնել քննարկել հնարավոր համագործակցության հեռանկարներն Արցախի առողջապահության զարգացման նպատակով: Կարդալ ավելին



Ստեփանակերտում են «Էրեբունի» ԲԿ ծննդատան մասնագետները 12.07.2014թ.

  ԼՂՀ առողջապահության նախարարության հրավերով «Էրեբունի» բժշկական կենտրոնի ծննդօգնության գծով տնօրենի տեղակալ Անդրանիկ Պողոսյանը, կանանց առողջության կենտրոնի տնօրեն Կարինե Սարգսյանը, ծննդատան մանկաբարձ-գինեկոլոգներ Լիլիթ Հովսեփյանը և Նորայր Ղուկասյանը հուլիսի 12-ին և 13-ին Մոր և մանկան առողջության պահպանման կենտրոնում իրականացրել են խորհրդատվություններ և վիրահատություններ: Երևանից ժամանած մասնագետները Հանրապետական բժշկական կենտրոնում իրականացրել են նաև լապարասկոպիկ վիրահատություններ: Կարդալ ավելին