icon
Թեժ գիծ` 3 0 0 3
moh@health.nkr.am

Նորություններ


Օրեր առաջ տեղեկացրել էինք «Հակապալարախտային դիսպանսեր» ՊՈԱԿ-ի համար կենսական կարևորության ֆլյուորոգրաֆ սարքի ձեռք բերման մասին: Այսօր ԱՀ առողջապահության նախարարությունը ուրախությամբ իրազեկում է հանրությանը, որ Հակապալարախտային դիսպանսերում ավարտվել են ժամանակակից թվային ստացիոնար ֆլյուորոգրաֆի տեղադրման աշխատանքները: Սարքը գործարկվել է և այսուհետ բնակչությանը հասանելի է բարձրակարգ ֆլյուորոգրաֆիկ հետազոտություն:

Ամփոփելով 2019 թվականի ամառային զորակոչի համագործակցության արդյունքները Ստեփանակերտի զինկոմիսարը գրությամբ շնորհակալություն է հայտնել առողջապահության նախարարին, զորակոչային հանձնաժողովին կից բժշկական հանձնախմբի անդամներին և գործընթացը համակարգողներին:

Արցախի Հանրապետությունում Համահայկական 7-րդ ամառային խաղերի կայացմամբ պայմանավորված՝ օգոստոսի 2-ից 8-ը մասնակիցների և բնակչության բժշկական օգնությունը և սպասարկումը ապահովելու համար առողջապահության նախարարի հրամանով նախարարության ենթակա բոլոր բժշկական հաստատությունները աշխատում են ուժեղացված ռեժիմով:

Արցախի Հանրապետության առողջապահության նախարարության «Հակապալարախտային դիսպանսեր» ՊՈԱԿ-ում այսօր տեղադրվում է խոստացված թվային ստացիոնար ֆլյուորոգրաֆ սարքը: Սույն թվականի ապրիլին Հանրապետական բժշկական կենտրոնում ընդլայնված խորհրդակցության ընթացքում Հանրապետության նախագահ Բակո Սահակյանը հանձնարարեց սեղմ ժամկետում լուծել համակարգը անհրաժեշտ ֆլյուորոգրաֆ սարքով և նեոնատալ արհեստական շնչառական սարքերով համալրման հարցը:

ԱՀ առողջապահության նախարարության և «Ձեռք-Ձեռքի» հասարակական կազմակերպության փոխհամագործակցության շրջանակներում Մարտակերտի շրջանի Հաթերք գյուղում գործարկվեց «Շարժական ատամնաբուժարան» ծրագիրը: Համայնքի ընտրությունը պայմանավորված էր ապրիլ ամսին նախարար Արայիկ Բաղրյանի ղեկավարած աշխատանքային խմբի այցի ընթացքում մեծ թվով երեխաների մոտ ի հայտ եկած ատամնաբուժական խնդիրներով:

Ամառային եղանակը, մարդու օրգանիզմի վրա դրական ազդեցության հետ մեկտեղ, կարող է առաջացնել առողջական վիճակի տարաբնույթ խանգարումներ, հատկապես, երբ օդի ջերմաստիճանը գերազանցում է մարդու նորմալ կենսագործունեությունը ապահովող միջին ջերմաստիճանային ցուցանիշը: Շոգ եղանակին մարդու օրգանիզմի վրա առավել մեծ ազդեցություն ունեցող հիմնական բացասական գործոններն են օդի բարձր ջերմաստիճանը և ուլտրամանուշակագույն ճառագայթումը:

Հուլիսի 22-23-ը Ստեփանակերտի տեղեկատվական տեխնոլոգիաների կենտրոնում ընթանում է Էլեկտրոնային առողջապահական համակարգին վերաբերող թրեյնինգներ: Տարեսկզբից Էլեկտրոնային առողջապահական համակարգը Արցախում գործում է միայն Հանրապետական բժշկական կենտրոնում: Այժմ նախապատրաստական աշխատանքներ են տարվում ծրագրի լրիվությամբ անցմանը ամբողջ համակարգում:

2019 թվականի առաջին կիսամյակի ընթացքում Արցախի առողջապահության նախարարության բուժհաստատություններում ծնվել է 925 երեխա, որոնցից 467-ը տղաներ են, 458-ը՝ աղջիկներ: Քաղաք Ստեփանակերտում 781 երեխա է ծնվել, առավելագույն ծնված երեխաների քանակ շրջաններից գրանցվել է Մարտակերտում՝ 80 երեխա, այնուհետև՝ Մարտունիում՝ 47, Հադրութում՝ 16 և Շահումյանում՝ 1 երեխա: Հունվար-հունիս ժամանակահատվածում Արցախում արձանագրվել է զույգ երեխաների 10 ծնունդ՝ 9-ը բնական […]

2019թ. առաջին կիսամյակի ընթացքում Արցախի Հանրապետությունում գրանցվել է օձի խայթոցի 11 դեպք, որը  նախորդ տարվա նույն ժամանակահատվածի համեմատ աճել է 3-ով, տուժածներից 9-ին ներարկվել է հակաօձային շիճուկ (անտիգյուրզին), իսկ 2-ի դեպքում կարիք չի եղել:

Արցախի առողջապահության նախարարության կողմից մեկնարկած գյուղական բնակչության բժշկական օգնության կազմակերպման ծրագիրը շարունակվում է: Հուլիսի 12-ին համակարգի բարձրակարգ բժիշկ-մասնագետները հերթական այցն իրականացրել են Ասկերանի շրջանի Ավետարանոց գյուղում: