icon
Թեժ գիծ` 3 0 0 3
moh@health.nkr.am

Նորություններ


ՀՀ և ԱՀ առողջապահության նախարարությունների և Ամերիկայի Հայ օգնության ֆոնդի համագործակցության շրջանակներում այսօր ք.Ստեփանակերտում մեկնարկել է ՀՀ առողջապահության նախարարության Ակադեմիկոս Ս.Ավդալբեկյանի անվան առողջապահության ազգային ինստիտուտի կողմից կազմակերպվող վերապատրաստման դասընթացներ՝ Արցախի Հանրապետության առողջապահական համակարգի առաջնային օղակի բժիշկների համար:

2018 թվականի հոկտեմբերի 13-ին ժամը 19:00-ին Հանրապետական բժշկական կենտրոնի թերապևտիկ բաժանմունքում ստացիոնար բուժման մեջ գտնվող Մ. Պ.-ին այցելության եկած որդին, ալկոհոլային ազդեցության տակ, հոր տեսակցությունից հետո կոնֆլիկտի մեջ է մտել սանիտարուհի Ն. Ս.-ի հետ, վիրավորել նրան  և ծեծի ենթարկել՝ պատճառելով տարբեր տիպի մարմնական վնասվածքներ: Արցախի Հանրապետության առողջապահության նախարարությունը խստորեն դատապարտում է բռնի գործունեության դրսևորումը և […]

Արցախի Հանրապետության առողջապահության նախարար Արայիկ Բաղրյանը հոկտեմբերի 12-ին ընդունել է Հայաստանի ամերիկյան համալսարանի (ՀԱՀ) Թրփանճեան գյուղական համայնքների զարգացման ծրագրի նախագահ, հանրային առողջապահության դոկտոր, պրոֆեսոր Հարություն Արմենյանի գլխավորած պատվիրակությանը:

Տեսողության համաշխարհային օրը Առողջապահության համաշխարհային կազմակերպության որոշմամբ ավանդաբար նշվում է յուրաքանչյուր տարվա հոկտեմբերի  2-րդ հինգշաբթի օրը։ Ինչպես ամբողջ աշխարհում, այնպես էլ մեր հանրապետությունում ակնաբուժությունը զարգանում է արագ քայլերով։

Արցախի Հանրապետության Նախագահ Բակո Սահակյանը հոկտեմբերի 10-ին ընդունել է Ֆրեզնո քաղաքից ժամանած մի խումբ բժիշկների, ովքեր բարեգործական հիմունքներով բժշկական սպասարկում են իրականացնում մեր քաղաքացիների համար:

Հոգեկան առողջության համաշխարհային ֆեդերացիան (ՀԱՀՖ) 1992 թվականից հոկտեմբերի 10-ը հռչակել է Հոգեկան առողջության համաշխարհային օր: Նպատակն է բարձրացնել բնակչության տեղեկացվածությունը հոգեկան առողջության խնդիրների, կանխարգելման, հոգեկան խանգարումների բուժման վերաբերյալ:

Արցախի առողջապահության նախարարության բուժհաստատություններում հոկտեմբերի 8-12-ը իրականացվում է «Բաց դռների օր» միջոցառում՝ Ֆրեզնոյում Հայաստանի Հանրապետության պատվավոր հյուպատոսարանի նախաձեռնությամբ և հայկական համայնքի օժանդակությամբ  արտասահմանից ժամանած մի խումբ բժիշկների կողմից:

ԱՀ առողջապահության նախարար Արայիկ Բաղրյանը հոկտեմբերի 8-ին ընդունել է Ամերիկայի Միացյալ Նահանգների Կալիֆոռնիա նահանգի Ֆրեզնո քաղաքից ժամանած ՀՀ պատվավոր հյուպատոս Բերջ Ապկարյանին, ով երրորդ անգամն է Արցախում մարդասիրական առաքելությամբ:

ԱՀ առողջապահության նախարար Արայիկ Բաղրյանը հոկտեմբերի 3-ին ընդունել է «Ձեռք-ձեռքի» հասարակական կազմակերպության վարչության նախագահ Պերճ Քիլաջյանին, հիմնադիր նախագահ Զարե Ուզունյանին և Արցախում գործունեություն ծավալած նույն կազմակերպության գործադիր տնօրեն Վահագն Ղազարյանին:

Համաձայն Արցախի Հանրապետության առողջապահության նախարարի 2018 թվականի հոկտեմբերի 3-ի N 240-Ա հրամանի նախատեսվում է Արցախի Հանրապետության առողջապահության նախարարության կողմից լիցենզավորված, Ստեփանակերտ քաղաքի ստոմատոլոգիական պոլիկլինիկաների, կաբինետների գործունեության համար անհրաժեշտ տեխնիկական, մասնագիտական և սանիտարահիգիենիկ պահանջներն ու պայմանները ուսումնասիրելու նպատակով իրականացնել դիտարկումներ: